Profil

Muhammad Farikud Daroini (dok.pribadi)

Muhammad Farikud Daroini ingkang asring dipuntimbali Farik menika lair nalika tanggal 5 Desember 1996 wonten Ngunut LK 1, Ngunut, Tulungagung. Farik menika putra saking Bapak Sujak kaliyan Ibu Binti Listiana ingkang ngadahi hobi olahraga lan silat. Farik menika ketampi wonten Jurusan Bahasa Jawa, Fakultas Bahasa dan Seni Universitas Negeri Yogyakarta.

Farik nate ngangsu kawruh wonten ing TK Rodatul Akfa lajeng MI Baitturahman, MTS N Kunir, lajeng wonten MAN 2 Tulungagung. Saking  alit Farik sampun katingal bakatipun wonten ing olahraga kaliyan silat amargi Farik asring tumut lomba-lomba voli wonten tingkay kecamatan lan dados juara, lajeng wonten ing MAN 2 Tulungagung Farik nate  tumut pekan olahraga daerah, ananging dereng kasil. Farik remen silat amargi saking keluarganipun ugi remen kaliyan silat.

Farikud mboten purun gumantung kaliyan tiyang sepuhipun mula farik menika lajeng tumut latihan silat mboten setunggal perguruan kaliyan bapanipun. Farik anggenipun latihan silat wonten SMA Kauman. Wonten mriku Farik nggadahi panjangka bilih tahun 2014 dheweke kedah dados warga. Dados warga menika mboten gampil kedah kuat fisik lan mentalipun nalika badhe tes Farik menika cidera lan mboten pareng nderek tes saking pelatihipun ananging Farik menika yakin yen dheweke sanggup nglampahi tes kasebut. Alhamdulillah wonten tanggal 30 Oktober 2014 Farikud akhire dipun dadosaken warga baru silat menika.

Pesenipun saking Farik inggih menika “sepira gedene sengsara, yen tinampa amung dadi coba” Farikud yakin bilih wonten gesang menika kathah pacoban mula kedah dipunlampahi kanthi ikhlas.