Geguritan

Urip ora pait

Sejatine galihe wit kates kuwi ana ngendi?

Opo kowe ngerti?

Yen digoleki, pancen angel ketemune

Nanging, sejatine mesthi ana galihe

Kaya pitakonan urip iki,

Sejatine kasampurnaning urip iku kepiye?

Pancen angel tumuju marang kasampurnaning urip iku

Nanging opo kuwi ora bisa?

Mesti ana carane kanggo nggayuh

Yen dirasa-rasakake,

Rasane pancen pait

Senajan pait  nanging gedhe kasiyate

Nanging opo yo arep urip ngarasakake pait saklawase?

Kala-kala ya ana legine, ana senenge

Gumantung pamilihe dhewe-dhewe